අපේකමේ මුද්රාව
මිනිස් උත්පත්තිය සිදුවන්නේ ඔහුට හෝ ඇයට ආවේණිකඅනන්යතාවය ද සමඟය. ඒ අනන්යතාවය
තවදුරටත් පවත්වා ගැනීම සඳහා සිදු කරනු ලබන ක්රියාකාරකම් හා භාෂාව වැදගත් වෙයි.
මෙසේ පවත්වාගෙන යනු ලබන අනන්යතාව නැතහොත් ඒ භාෂාව, ක්රියාකාරකම් “ජනශ්රැතිය”
තුළින් නිරූපණය වෙයි. ඒ අනුව සරලව ජනශ්රැතිය ලෙස, මානවයාගේ කටවහර හෝ ප්රයෝගික
හැසිරීම් රටාවන් පරම්පරාවෙන් පරම්පරාවට දායාද කරන ලද මනුෂ්ය ඥානය ලෙස හැදින්විය
හැකිය. මුල් කාලයේදී ජනශ්රැතිය යන වචනය නිර් මාණය වන්නේ ෆොක් - ලෝ(folk- lore) යන යුරෝපීය වචන දෙක ඇසුරිනි.
ජනශ්රැතිය මානවයාගේ සංස්කෘතික භූමිකාව හා සම්බන්ධ වන වපසරිය පුළුල් වුවකි.
ජනශ්රැතිය නිර් මාණය වන්නේ ජන ජීවිතය තුළින්මය. කෑම බීම, ඇදුම් පැළදුම්, සිරිත්
විරිත්, අභිචාර, ශාන්තික ර් ම හා නියැළෙන රැකියාවන් පදනම් කර ගනිමිනි. අපේ කම හා
දේශීය සංස්කෘතිය ඉදිරියට පවත්වාගෙන යෑම සඳහාද ජනශ්රැතියේ නිර් මාණ තුළින් ලැබෙන්නේ පිටිවහලකි. එහෙයින් ජනශ්රැතිය
සංස්කෘතිකමය නිර් මාණයකි.
ජන කවි, ජන නැටුම්, ජන කතා, ප්රබන්ධ කතා, ප්රස්ථාව පිරුළු හා උපමා ආදිය
ජනශ්රැතියේ අංග නැතිනම් අවස්ථාය. මේ ජනශ්රැතියට කතෘ හෝ හිමිකරුවා වශයෙන් කිවහැකි
පුද්ගලයෙක් නොවේ.
අතීතයේ පොත්පත් වල හෝ වෙන කිසිදු මූලාශ්රයක ජන කවි, ජන කතා ආදිය පිළිබඳ
කිසිදු සඳහනක් ද නැත. ජනශ්රැතිය සතු විශේෂත්වය ද එයයි. මුල් කලීන ජනයා තම
හුදෙකලාව, මහන්සිය මඟහරවා ගැනීමට හා විනෝදයට ජන කවි, ප්රබන්ධ කතා නිර් මාණය කළේය.
මින් ඉස්මතු වූයේ ඔවුන්ගේ කලාත්මක හා නිර් මාණාත්මක හැකියාවයි. අදටත් එදා පරම්පරාව
ගෙතූ උපමා කතා, ප්රස්ථාව පිරුළු උදාහරණයට ගනියි. සාක්ෂරතාව හා තාක්ෂණයෙන් ඒ
පරම්පරාව නොදියුණු යුගයක ඔවුන්ගේ කලාත්මක හා නිර්මාණාත්මක හැකියාවේ විශිෂ්ඨත්වය ඇගයිමට
ලක්කළ හැකිය.
අතීත පරම්පරාව ජන කතා ආදිය නිර්මාණයට ආගමික පදනමක් හෝ මිත්යාව, විනෝදය ආදිය
ආශ්රය කරගත්තේය. එය කටවහරින්, ලිකිතව හෝ රඟ දැක්මෙන් සම්ප්රදායිකව පැවත එයි. ඒ
අනුව ජාතක කතා, අරාබි නිසොල්ලාසය, සින්ඩරෙල්ලා කතා හා විවිධ වූ මිත්යා මත ඇසුරෙන්
නිර්මණය විය. ජන කවිය තුළ ඇත්තේ සරල හා සුගම බස් වහරකි. විශේෂයෙන් බොහෝ ජන කවි
ඔවුන්ගේ රැකියාවත් සමඟ සබැඳුණු ඒවා විය. ඒ අනුව පතල් කවි, බඹර කවි ආදිය නිර්මණය
විය. ඔලිඳ කෙළිය, මේවර කෙළිය ආදිය ජන ක්රීඩා වශයෙන් නිර්මණය වීමේදී ඒවාට ආවේණික
ලෙස කවි නිර්මණය විය. “කැකිල්ලේ රජ්ජුරුවන්ගේ නඩු තීන්දුව වගෙයි” ආදී ජනශ්රැතියෙහි
පැවත එන ප්රස්ථාව පිරුළු ගොඩනැඟීමට යටි පෙළින් යම් ප්රස්ථාවනාවක් මුල් විය. ඒ
අනුව මේ සියල්ලම නිර්මාණයට මුල් වූයේ ජන ජීවිතය තුළින්ම බව පැහැදිලිය.
අද වන විට ජනශ්රැතිය සතු සම්ප්රදායික තත්වය අභිබවමින් හා ජනශ්රැතියේ අංග
ද එක් කරමින් විවිධ දේ ගොඩනංවයි. විශේෂයෙන් අද දකින රුපවාහිනී වෙළඳ දැන්වීම්
ගොඩනැඟෙන්නේ ජනශ්රැතියේ නිර්මාණද එක්කාසු කර ගනිමිනි. ජන ගීයෙහි නාද මාලාව ඒ
අයුරින්ම අනුකරණයට ලක් කරයි. ඒ යම් භාණ්ඩයක් හෝ සේවාවක් ග්රහකයාට සමීප කරලීමේ
උපක්රමයක් වශයෙනි. ජනශ්රැතියෙහි ඇතුළත් අපේකම, දේශීය අනන්යතාවය ග්රාහකයාගේ
විශ්වාසය හා ආකර්ෂණය ලබා ගැනීමට සමත්වෙයි. මේ තත්වය අලෙවිකරණයට උපක්රමයක් ලෙස
වර්තමානයේ යොදා ගනී.
අදටත් අපේකම හා දේශීය සංස්කෘතිය මෙය යැයි ලෝකයට ඉදිරිපත් කිරීමට ඇති එකම
අනන්යතා සහතිකය ජනශ්රැතිය යි. එය අපේ ජනජීවිතය නිරූපණය කරමින් අපේකම හා සංස්කෘතිය
මුසුකරගනිමින් ගොඩනැඟුණු අපුරු නිර්මාණයකි.
ඉෂානි හංසිකා අමරදිවාකර
